Li Wanê teqîn: 3 kesan jiyana xwe ji dest da

Li Wanê teqîn: 3 kesan jiyana xwe ji dest da

Di teqîna li Wanê de 3 kesî jiyana xwe ji dest da, 16 kes jî birîndar bûn. Dozgerê Komarê Nevzat Açikgoz got ku li ser îhtîmala bombeya zindî disekinin. Ji 18 kesên di teqîna li Wanê ku 3 kesan jî jiyana xwe ji dest dabû de birîndar bûn, navên 16 kesan diyar bûn.

Ji ber teqîna ku li ber Navenda Kar a Sempaşê çêbû, li cihê bûyerê tedbîrên ewlehiyê yên berfireh hatin girtin. Rayedarên polîsan ku li cihê bûyerê lêkolîn dikin, dan zanîn ku hejmara miriyan 3, hejmara birîndaran jî 16 ye. Dozgerê Komarê Nevzat Açikgoz ku li cihê bûyerê lêkolîn kir, got ku li ser îhtîmala bombeya zindî disekinin.

Navên birîndaran diyar bû

Ji 18 kesên di teqîna li Wanê ku 3 kesan jî jiyana xwe ji dest dabû de birîndar bûn, navên 16 kesan diyar bûn.

Di teqîna ku li ber Navenda Kar a Sempaşê serê sibê saet di 09.00'an çêbû de, 3 kesan jiyana xwe ji dest da û 18 kes jî birîndar bûn. Navên birîndarên ku hatine diyar kirin wiha ne: "Necîp Îlkan, Îhsan Ozkan, Bahattîn Sevîm, Necmettîn Guneşçe, Gurbet Nayma, Semra Demîr, Erhan Çagli, Umut Bakir, Zelîha Çaglayan, Cesîm Înen, Cesîm Kirman, Nazan Sonmez, Fatîh Ayaz, Erdal Arpa, Cahît Turan û Seyfî Aslan. Tedawiya birîndaran li 3 nexweşxaneyên Wanê tê kirin.