"Agahnameya şervanekî kurd” di festîvalê de derdikeve pêşbirkê

Li paytexta Fransayê Parîsê Navenda Agahdarîkirina Rayagiştî Pompidou, bi Festîvala Cinéma du Réel deriyên xwe ji belgefîlmên navneteweyî re vedike. Festîval dê di navbera 10 û 19ê adarê de bê li dar xistin. Fîlmê produksiona fransizan a bi navê “Agahnameya Şervanekî Kurd” jî di festîvalê de cî digire.

Festîvala Cinéma du réelê, ji sala ku hatiye damezirandin (1978) û vir ve bi piştgiriya Komiteya Filmên Etnografîk CNRSê, filmên navnetewî yên etnografîk û civakî nîşan dide.

28. Festîvala Fîlmên Dokumenter ên Navnetewî, ji aliyê komeleya Les Amis du Cinéma du réel û Navenda Pompidouyê ve hatiye li dar xistin.

JÎYANA GERÎLAYEKÎ

Di beşa pêşbirika navnetewî de 35 fîlm û kurte fîlmên ji 30 welatên cuda dê bêne nîşandan. Di vê beşê de fîlmeke bi navê ”Agahnameya Şervanekî Kurd” a fransizî jî, ku di sala 2005an de hatiye kişandin, cî digire. Derhênerê vê fîlmê Stefano Savona ye û film ji 80 deqîqeyî pêk tê.

Di fîlmê de gerîllayek PKKyî bi navê Akîf, ku ji Almanyayê tevlî refên şervanan bûye guman, xeyal, dîtinên polîtîk û civînên ku gerîllayên jin li yên mêr rexne digirin, di agahnameya xwe de dinivîse.

Heman fîlm di 11ê adarê de li Belçîkayê jî dê bê nîşandan. Fîlm saet di 14:30î de li sînemaya Cinéma 1ê dê bê nîşandan. Herweha di 15 adarê saet di 11:00ande li salona Centre Wallonie Bruxellesê, 21ê adarê saet di 16:30î de li salona Espace 1789 Saint’Ouen (2-4, rue Alexandre Bachelet, Saint-Ouen)ê.

Çavkanî: ANF NEWS AGENCY
Wergera ji tirkî: Mahabad Felat Arda
http://www.welat.com/